Dagbók Ástu Sólveigar

Úlfur fór ekkert út að ganga í gær. Hann var eitthvað slappur og sofnaði heima og ég leifði honum bara að sofa. Hann sofnaði fyrst eins og vanalega kl 9:40 en í stað þess að sofa í 30 mínútur þá svaf hann í 1 klukkustund og 40 mínútur.

Hann drakk líka óvenju mikið og kl 2 var öll “mömmumjólkin búin". Hann fékk því bara duftmjólk kl 5 þegar hann vaknaði og á klukkutíma tókst honum a drekka 100ml af henni.

Annars er það spaugilegt að horfa á hann þegar honum er boðin duftmjólk. Hann drekkur 1-2 sopa og síðan kemur gretta sem segir “Hvurn djö**** settirðu eiginlega í pelann minn ???”

Ég veit ekki hvort það var duftmjólkin eða bara Úlfur að jafna sig á því sem gæti hafa verið að hjá honum í gær, en hann vaknaði kl 5:20 í morgun… ofur–hress !

Í dag er Föstudagur og mig er farið að hlakka til hvíldarinnar á Sunnudaginn. Ekki vegna þess að Úlfur sé svona erfiður (hann er það ekki) heldur eru hnéin á mér farin að kvarta líklega vegna þess að ég þurfti að halda mikið á Úlfi í gær og “sýna honum íbúðina”