þá er ég loksins búin að setja inn myndir sumarsins. Fullt frá sumarfríinu á Íslandi, skýrninni meðal annars, og svo nokkrar nýlegar héðan því að Úlfur var að verða sjö mánaða þann 9. sept. Á nokkrum myndum er hann með nýju dagmömmunni sinni, henni Önnu, sem mun passa hann í vetur. Það gengur mjög vel það sem af er. Gleymdi að setja inn myndir af honum með Virginie, sem passaði hann í Júlí, en geri það næst. Sigga var hjá okkur í 3 vikur og er nýfarin til Kína. Hún ætlar að flakka með vinum sínum í 6 mánuði um þann heimshluta.

Kær kveðja, Ásta Sólveig

Við Úlfur fórum og heimsóttum Mömmu í vinnuna í gær og fórum síðan í vinnuna hjá Pabba hans þar sem allir dáðust að honum og hrósuðu Pabba hans með “Job well done”

Aðstoðarfólk aðalritarans var eins og það hefði aldrei séð barn áður og starði bara og spurði hvað hann héti og hvaðan nafnið væri,, hvað hann væri með fallegt hár o.s.frv.

Síðan fór öll fjölskyldan heim með strætó og við Ásta keyptum nýja tegund af þurrmjólk handa honum, því hann fæst ómögulega til að drekka þetta þykka sull sem á að hjálpa honum að halda mjólkini niðri. Hann þarf heldur ekki lengur á því að halda eftir tímana hjá hnykklækninum..

Já, hnykklæknirinn (Osteopath), við Úlfur fórum til hans á Mánudaginn og hann fór afar varlega með Úlf og mér sýndist hann nú ekki vera að gera mikið, en ég held að hann hafi gert eitthvað með fingrunum þegar hann hélt undir bakið á honum og höfuðið.

Úlfur er í öllu falli orðinn fínn og vandamálið með að hann geti ekki snúið höfðinu til vinstri er alveg farið.

Við Ásta vorum að hlægja að því hvað við værum “dæmigerðir” foreldar. Barnið stjórnar öllu og við borðuðum kvöldmatinn kl 9:40 í gærkvöldi og fórum á fætur eins og draugar eldsnemma í morgun með áhyggjur af því að Úlfur hefði það ekki nógu gott.

O jæja, hann drakk þurrmjólkina í morgun, þannig að nú er hægt að fara að venja hann við hana smátt og smátt þannig að ég geti farið með hann í heimsóknir og aðrar lengri ferðir.

Bless í bili,

- Rikki

Hann drakk líka óvenju mikið og kl 2 var öll “mömmumjólkin búin". Hann fékk því bara duftmjólk kl 5 þegar hann vaknaði og á klukkutíma tókst honum a drekka 100ml af henni.

Annars er það spaugilegt að horfa á hann þegar honum er boðin duftmjólk. Hann drekkur 1-2 sopa og síðan kemur gretta sem segir “Hvurn djö**** settirðu eiginlega í pelann minn ???”

Ég veit ekki hvort það var duftmjólkin eða bara Úlfur að jafna sig á því sem gæti hafa verið að hjá honum í gær, en hann vaknaði kl 5:20 í morgun… ofur–hress !

Í dag er Föstudagur og mig er farið að hlakka til hvíldarinnar á Sunnudaginn. Ekki vegna þess að Úlfur sé svona erfiður (hann er það ekki) heldur eru hnéin á mér farin að kvarta líklega vegna þess að ég þurfti að halda mikið á Úlfi í gær og “sýna honum íbúðina”

Héðan er lítið að frétta. Allt gott bara.

Myndir hérna.

Ég fór að hugsa um það kl 11 í morgun að nú væri ég farinn að vera svangur og það leið 1 og 1/2 tími þangað til Úlfur var orðinn nógu rólegur (sofandi) til að ég gæti borðað restina af grænmetisréttinum sem Ásta gerði á Sunnudaginn.

Annars eru helstu atburðir dagsins þeir að úlfur fyllti bleyjuna sína í morgun og ég þurfti að setja hann undir sturtuna og skipta sjálfur um bol. (Það voru örugglega 30°c hérna í dag þannig að maður var bara léttklæddur)

Þá borðaði hann frekar í minni kantinum (3 x 60ml í stað 3 x 90ml) og svaf bara 2 tíma á röltinu í stað 3 tíma.

Þá get ég sagt ykkur frá góðri hugmynd að gjöf. Við Ásta keyptum gjafabréf á tælenskri nuddstofu handa manninum sem lánaði okkur sumarhúsið. Við Úlfur fórum og skiluðum lyklunum í dag ásamt því að gefa honum umslagið. Þegar hann sá hvað þetta var (1 klukkustundar tælenskt ilmolíunudd) þá kom frekar kindalegur svipur á hann og hann sagði “ég mun aldrei þora þessu”

Þannig að svona nudd-tíma gjafabréf eru alveg stórsniðugt því þá mun viðkomandi aðeins þurfa að taka á sjálfum sér og víkka sjóndeildarhringinn.

Annars er núna 9. Júní og það merkir að Úlfur er orðinn 4 mánaða, við Ásta erum tveir stoltir foreldrar af að hafa komið honum þetta langt og að hann sé orðinn þetta myndarlegur (ég verð að fara að láta fylgja myndir

Það er t.d. hægt að tala, hvort sem það er hægt, hratt, lágt eða hátt.

Það er hægt að blístra hin ýmsu hljóð.

Það er hægt að nota líkamann til að mynda ýmis hljóð, eins og að smella tungu í góm, blása út kinnarnar og slá á þær með fingurgómunum, mynda “Helli” með munninum og slá ofan á hausinn á sér.

Þessu fór ég að spá í í gær þegar ég þurfti að róa Úlf aðeins niður og ákvað að blístra aðeins (trikk sem Ásta var búin að kenna mér).

Annars er maður farinn að hugsa allt upphátt, “nú ætla ég að sækja sokka í skúffuna og klæða þig í þá", “nú ætla ég að sækja nýja bleyju, hún er hérna, og síðan er best að muna eftir bómullinni og rassakreminu".

Að ógleymdu því að maður syngur stundum bara það sem maður ætlar að segja og er útkoman þykir manni bara stundum nokkuð góð .. Það er verst að maður er búinn að gleyma bæði lagi og texta eftir 5 mínútur. Og ég sem var að spá í að gefa út plötu með þessu frábæra lagi.